鄭伊健演唱會後台獨家直擊　蒙嘉慧湯水慰勞丈夫觀眾捕獲張耀揚

鄭伊健第3場演唱會開騷前下午3時30分，鄭伊健準時到紅館綵排，甫下車我就問他，昨晚睡得好嗎？他笑容滿面地說：「好好呀！噚晚返到屋企睇咗一陣電視，Viu有個旅行節目好好睇㗎！睇咗一陣就瞓，今朝9點幾起身，好精神！」

伊健早睡早起已成習慣，做演唱會也不會捱夜，反而早起更多時間做做運動準備，通常吃過鄭太親自為他準備的愛心午餐後才出門。後台碰見鄭太，問她煲了甚麼湯，她笑道：「蕃茄薯仔湯囉！正氣嘛！仲蒸咗條好新鮮嘅魚㗎！」很有愛吧！

▲ 衝上前拍照的我。（圖片提供：梁爾紋）

伊健每天都會綵排，勁歌熱舞之餘，再唱兩三首慢歌開聲，便落台休息閒聊。

（而昨晚曾合作《古惑仔》的張耀揚也有做觀眾，雖沒上台，但被台上大電視拍下，全場觀眾都起哄)

▲ (取自微博)

跟他說起機械人對戰那一幕，他興奮地說：「其實我喺半年前前睇到呢個機械人嘅片，公司就想盡辦法去聯絡佢哋，幾個月前我親自飛咗去日本一個地方叫八王子，自己試過覺得好好玩，決定帶佢哋嚟紅館，仲諗咗個故事一正一邪對侍，好開心可以將我想像嘅嘢喺舞台成真！」

▲ 鄭伊健親自訪尋的機械人，由日本空運到港，這個只是上半身部分。（圖片提供：梁爾紋）

我還記起另一環節他在旋轉台上轉得很快很快，問伊健有沒有轉到頭暈？他笑言：「梗係暈啦！呢個直頭係體能訓練！我而家嘅體能已經可以去投考做太空人㗎喇！」

晚上演出時，一個與舞蹈員翻身的動作令伊健拉傷手臂，拉傷後的他當沒事發生，繼續又唱又跳，還堅持做了倒掛動作，雖然做得不完美，但看到他努力堅持，我們在台下默默為他加油。落台底換衫時，痛得他無法將手遞起，健身教練Michael哥哥為他做了簡單急救，3分鐘換完衫又頂硬上台再唱。

▲ 日本設計師Hibino設計以海洋生物為題的氫氣球波波裙。（圖片提供：梁爾紋）

在台上他感觸地說：「對唔住我頭先失手，扭傷咗，有啲唔開心，但係見到你哋......好多謝你哋嘅支持！」感動。

▲ 探望鄭伊健的古巨基。（圖片提供：梁爾紋）

學了隔空能量治療的我，在後台不停為他做能量治療，完騷後我說見他的手愈舉愈高，大合唱時還不停揮手，我笑說覺得我為他做的能量治療超有效時，他終於面露笑容取笑我，我說一切以正能量面對，放心，第4場將會有更好的演出。